Wednesday, December 29, 2010

'mim'pi

(kecek kok klate la pulok)
male tu, tidok male jugok, pagi doh dale puko 3 kawe online la smeta buko fesbuk, tgok gapo notifications hok ado....reply2 meta, saing kawe chat la nge kawe tanyo bilo nok gi ngaji plok...bual3, dio pon crito la kawe, smale dio mimpi pasal kawe. ai, mimpi gapo tu, sedak mano bunyi....kalu org perempuan mimpi kito takpo la....hehehe...

dio oyak dio mimpi gini, kawe bawok jip ( aloh meta kawe duk wak lesen, kuat dio mimpi kawe bwok jip na, kawe blajar pom naik kancil jah, INCEPTION ko guano? hahaha)

duk bawok jip tu sampai naik atah rumoh na...ai kuat sunnguh naik jip sap ko atah rumoh...org bwok jip wak naik bukit, kawe wat naik atah rumoh, rumoh dio la tu bokali. sampai atah rumoh tu, kawe lempar kasut croc alah dio. (ai, memey kawe minat pkai kasut croc pon, buke gapo, musim uje ni key, molek paka croc.hehehe)

dio oyak kawe lempar kasut croc sebab kawe xsir pakai, nok bwok jip, xsedap pkai kasut croc. ( eh, yolo sungguh doh la INCEPTION ni, aritu maso kawe blaja keto, xsedap pkai croc, payoh nok belen klah....adui saya)

kawe suko selok denga dio crito tu....tidok denga jugok la baco hok dio tulih di chat fb tu key ...hehe, jagne maroh..sloro sklai skalo..dio oyak kawe ni pah ko dale mimpi pon duk tolol lagi....hahaha...lucu sungguh....ko demo raso guano???

3 comments:

  1. for those who find it hard to understand, i suggest you find a fellow kelantanese friend...hehe

    ReplyDelete
  2. ko paham mira? ape yg ak cakap? hehe

    ReplyDelete